საქართველოს საგარეო საქმეთა მინისტრი, თამარ ბერუჩაშვილი დანიელ კოლეგას შეხვდა და პრესკონფერენციაზე განაცხადა: "მეტი NATO და ევროპა საქართველოში“. დანიის საგარეო საქმეთა მინისტრმა კი ყოფილი მაღალჩინოსნების მიმართ სამართლებრივ დევნაზეც ისაუბრა და აღნიშნა, რომ მსგავსი ფაქტებით შეწუხებულია.

"გილოცავთ ასოცირების ხელშეკრულებისთვის ხელის მოწერას. დანია მიმდინარე წლის დეკემბერში ხელშეკრულების რატიფიცირებას დაასრულებს. ერთია, მოაწერო ხელი შეთანხმებას, ხოლო მეორეა - მისი დანერგვა. ჩვენ ვიქნებით პარტნიორები და გვინდა, წვლილი შევიტანოთ საქართველოს განვითარებაში, რომ ქვეყანამ ყველა შესაძლებლობა წარმატებით გამოიყენოს. ჩვენ, როგორც მეგობრებმა, აღვნიშნეთ, რომ გვაწუხებს კანონის უზენაესობის საკითხი, ასევე სამართლებრივი დევნა ყოფილი პოლიტიკური ლიდერების მიმართ, რომელიც უნდა იყოს დამოუკიდებელი და სამართლიანი", -განაცხადა ლიდეგარდმა.