საგარეო საქმეთა ყოფილი მინისტრის მაია ფანჯიკიძის თქმით, ყოფილ პრემიერს ბიძინა ივანიშვილს უცხოელი დიპლომატების ნაწილი „რუს ოლიგარქად“ მოიხსენიებდა.

ამის შესახებ ფანჯიკიძემ გადაცემა „არჩევანში“ განაცხადა.

ექს-მინისტრის თქმით, მისი მინისტრობის პერიოდში ქვეყანამ საგარეო ურთიერთობებში წინ ბევრი ნაბიჯი გადადგა.

„ძალიან ძნელი იყო ჩვენი თავიდან საგარეო პოლიტიკის აწყობა. უცხოელი დიპლომატების ნაწილი მეკითხებოდა, რუსი ოლიგარქი ბიძინა ივანიშვილი საქართველოს რუსეთთან მიერთებას გეგმავს და რაზე ვსაუბრობთო,“ - განაცხადა თოქშოუ „არჩევანში“ მაია ფანჯიკიძემ.