საგარეო საქმეთა ახალი მინისტრი ყოფილი მინისტრის მოადგილეობის დროს რამდენიმე საათით პოსტის დატოვებას „ემოციურ გაუგებრობას“ უწოდებს.

ბერუჩაშვილის თქმით, საკუთარი საქმიანობის პრიორიტეტი ევროატლანტიკური ღირებულებების დაცვა იქნება.

"კურსი არის შეუქცევადი. ეს არის ჩვენი ეროვნული და ეგზისტენციალური არჩევანი. არც ერთ მთავრობას არ ექნება იმის ფუფუნება, რომ ამ კურსს გადაუხვიოს. ჩემ ეჭვები რამდენიმე საათს გაგრძელდა, მინდა ვთქვა, რომ ეს იყო ემოციურ-სოლიდარული გაუგებრობა. პრემიერ-მინისტრმა და მთავრობის სხვა წევრებმა მკაფიოდ და ნათლად უპასუხეს ჩემ შეკითხვებს. ჩემთვის დიდი პატივია ამ თანამდებობაზე წარდგენა. მინდა დავპირდე ყველას, რომ ჩვენ ყველაფერს გავაკებთ იმისთვის, რომ ქართული დიპლომატია იყოს წარმატებული", - აღნიშნა ბერუჩაშვილმა.