„თავისუფალი დემოკრატები“ აცხადებენ , რომ თავისი ნებით საპარლამენტო თანამდებობებს არ დატოვებენ.

„ეს მოვლენები შეფასებულია ჩვენგან, როგორც პოლიტიკური ნაბიჯი უმრავლესობიოს მხრიდან, ეს მათი გადაწყვეტილებაა და რეგლამენტი აძლევთ მათ ამის საშუალებას“ აცხადებს ევროპასთან ინტეგრაციის კომიტეტის თავმჯდომარე ვიქტორ დოლიძე.

ფრაქცია „თავისუფალი დემოკრატების“ წევრის ნინო გოგუაძის განცხადებით „თავისუფალი დემოკრატები“ თავისი ნებით თანამდებობების დატოვებას არ აპირებენ.

„რადგან ეს არის პოლიტიკური პროცესი, ჩვენ არ დავწერთ განცხადებებს, გადაგვაყენონ, ძალიან მაინტერესებს ის არგუმენტები, რომლითაც გადააყენებენ ვთქვათ, ვიქტორ დოლიძეს, ევროინტეგრაციის კომიტეტის თავმჯდომარეობიდან“- აღნიშნავს ნინო გოგუაძე.

პარლამენტის თავმჯდომარის მოადგილის თანამდებობას იკავებს „თავისუფალი დემოკრატების“ კიდევ ერთი წევრი ზურაბ აბაშიძე. უმრავლეოსობის განცხადებით ვიცე-სპიკერის პოსტზე უმრავლესობის კვოტა რეგლამენტით არის განსაზღვრულია. ზურაბ აბაშიძის პოსტზე დარჩენის შემთხვევაში კი რეგლამენტი დაირღვევა.