საქართველოს ყოფილი პრეზიდენტისა და ყოფილი მაღალჩინოსნებისათვის ვალერი გელაშვილის საქმეზე ბრალის დამძიმების შემდეგ, საგამოძიებო მასალები ადვოკატებს გადაეცათ. დეტალებზე საუბარს დაცვის მხარე დღეს დაგეგმილ ბრიფინგზე აპირებს.

„გადმომეცა მასალები, რომელშიც ჩემდა გასაკვირად ახალი არაფერი არ არის, ვინაიდან ექსპერტიზის დასკვნა მანამდეც არსებობდა ვალერი გელაშვილის დაზიანების ხარისხთან დაკავშირებით, თვისობრივად რაიმე ახალი მტკიცებულება საქმეში არ გაჩენილა, სამაგიეროდ ვიხილეთ ბრალის ახალი ფორმულირება“, - განაცხადა ოთო კახიშვილმა.

ბადაშვილის უწყებამ მიხეილ სააკაშვილსა და ვანო მერაბიშვილს ბრალი გელაშვილის სხეულის განზრახ მძიმე დაზიანების ორგანიზების მუხლით დაუმძიმა.