„ლეიბორისტული პარტია“ დავით უსუფაშვილისგან უმრავლესობაში გადასული 10 დეპუტატისთვის სტატუსის შეჩერებას მოითხოვს. მიზეზად კი მათ ბიზნესსაქმიანობას ასახელებს.

პარტიის ლიდერი ასევე აცხადებს, რომ თუკი პარლამენტის თავმჯდომარე აღნიშნულთან დაკავშირებით რეაგირებას არ მოახდენს, ის ევროკავშირს დეპუტატებისთვის სავიზო შეზღუდვებისა და ანგარიშების დაყადაღების მოთხოვნით მიმართავს.

"ამ დღეები მთელი ქვეყანა ხდება მოწმე, თუ როგორ მიემართება ნაციონალებიდან დეპუტატ მილიონერთა დესანტი საოცნებო უმრავლესობის გადასარჩენად. ეს არის მილიონერთა კლუბის კიდევ ერთი სირცხვილი, რომელთაც არ გააჩნიათ ზნეობა, პატრიოტიზმი და ქვეყნის მსახურების ნიჭი. სანამ ისინი იქნებიან პოლიტიკაში ჩვენს ქვეყანას წინსვლა და გახარება არ უწერია.
წარმოგიდგინეთ ათი დეპუტატ-პოლიტიკოსის სია, რომლებიც ფლობენ ჩვენგან წართმეულ ქონებას 7 მილიარდ 100 მლნ-ის ოდენობით და რომლებიც უკანონოდ იკავებენ დეპუტატის სტატუსს საქართველოს პარლამენტში და მოვითხოვთ პარლამენტის თავმჯდომარისგან იმოქმედოს კონსტიტუციის 53-ე და 54-ე მუხლებით, რომლებიც ითვალისწინებს ამ კატეგორიის დეპუტატებისთვის უფლებამოსილების ვადამდე შეწყვეტას, რადგან ისინი უთავსებენ სახელმწიფოებრივ საქმიანობას ბიზნეს და სამეწარმეო ფუნქციებს", - განაცხადა ნათელაშვილმა.

მან ბრიფინგზე იმ დეპუტატთა ათეული დაასახელა, რომლებსაც მისი თქმით, მანდატი უნდა შეუჩერდეთ:

ბეჟუაშვილი დავითი- 1 მილიარდი
ნაყოფია კობა-800 მილიონი
თოფაძე გოგი-600 მილიონი
ლიპარტელიანი გოგი-500 მილიონი
გელაშვილი ვალერი -400 მილიონი
ოქრიაშვილი კახაბერი -300 მილიონი
ბუკია გოდერძი - 250 მილიონი
ტყემალაძე ზურაბი-200 მილიონი
ენუქიძე გოჩა -200 მილიონი
ჯანაშია ნაული -100 მილიონი