კოალიცია "ქართული ოცნება" ხაშურის მუნიციპალიტეტის საკრებულოს "თავისუფალი დემოკრატების" წევრებმა დატოვეს.

ხაშურის საკრებულოში კოალიციის შემადგენლობაში "თავისუფალი დემოკრატებიდან" სამი წევრი იყო, მათ შორის ერთი საკრებულოს თავმჯდომარის მოადგილე გიორგი ცხადიაშვილია.

ცხადიაშვილის თქმით, ირაკლი ალასანიას გუნდის სამივე წევრი ხაშურის საკრებულოში კოალიციას ტოვებს და ცალკე ფრაქციას ქმნის.

თავისუფალი დემოკრატების კოალიციიდან გამოსვლის შესახებ განცხადება გააკეთა ხაშურის მუნიციპალიტეტის საკრებულოს თავმჯდომარემ. ის სინანულს გამოთქვამს იმის გამო რომ კოალიციიდან ერთ-ერთი ჯანსააღად მოაზროვნე ძალა გავიდა, თუმცა ვაჟა შუბითიძის აზრით ეს მათ ხელს არ შეუშლის ძველებურად, ერთობლივად, ხაშურისთვის სასიკეთო გადაწყვეტილებები მიიღონ.

კოალიციის დატოვების გადაწყვეტილება გორელმა თავისუფალმა დემოკრატებმა გასულ კვირას მიიღეს. რაც შეეხება ქარელს და კასპს ორივეგან „თავისუფალმა დემოკრატებმა“ საპირისპირო გადაწყვეტილება, მიიღეს ქარელში ალასანიას გუნდის ერთგული მხოლოდ ნათუია გოჩაშვილი დარჩა, ფრაქციის სხვა წევრები ქარელის მსგავსად კასპშიც ქართულ ოცნებაში გადავიდნენ.

გიორგი ახალკაცი „ნიუპოსტი“ შიდა ქართლი