"საქართველოს პრემიერ-მინისტრი ერთი დიდი არაადეკვატურობის ზეიმი გახდა“, - ასე გამოეხმაურა „ნაციონალური მოძრაობის“ წევრი გოკა გაბაშვილი პრემიერის განცხადებას, სადაც ირაკლი ღარიბაშვილმა განაცხადა, ექს-მინისტრები საზღვარგარეთ „ნაციონალური მოძრაობის“ ლობირებას ეწეოდნენ.

„ ყოველი მისი გამოსვლა არის აბსოლუტურად არაადეკვატური. ამჟამად ის საკუთარ მინისტრებს, რომლებიც 2 წლის განმავლობაში საერთაშორისო ასპარეზზე ყველაფერს ამართლებდნენ, რასაც აკეთებდა ეს რეჟიმი, ესხმის თავს. ვითომ ისინი იყვნენ გულშემატკივრები დევნილი პოლიტიკური ძალის, ნაციონალური მოძრაობის. მაგრამ იმედი მაქვს, რომ სულ უფრო და უფრო მეტი ადამიანი, მათ შორის, ხელისუფლებაში მყოფი ადამიანებიც, გააცნობიერებენ, რომ ის, რასაც აკეთებს ივანიშვილი და ღარიბაშვილი, თავის უფროსის დავალებით, არის კატასტროფა ქვეყნისთვის", - აღნიშნა გაბაშვილმა.