„ნაციონალური მოძრაობის“ ერთ-ერთი ლიდერი გიგა ბოკერია პრემიერის მიერ გაკეთებულ განცხადებებს სისულელეს უწოდებს.

მისი თქმით, თუ დღეს ქვეყნის შიგნით და გარეთ პრობლემებია, იმის ბრალია, რომ „ივანიშვილის მთავრობა ოპონენტების დევნით არის დაკავებული“.

„ეს სრული სისულელეა. ჩვენს ქვეყანას პრობლემები ქვეყნის შიგნითაც და გარეთაც აქვს იმის გამო, რომ ივანიშვილის მთავრობა საქმის კეთების და კრიმინალთან ბრძოლის ნაცვლად, მთელი ორი წელია დაკავებულია ოპოზიციური პარტიის დევნით და ეხლა უკვე საკუთარ თანაგუნდელებზე გადავიდა. ეს შეთქმულების თეორიები არაფერს კარგს არ მოუტანს ჩვენს ქვეყანას და ივანიშვილის ყმების მთავრობას“, - განაცხადა ბოკერიამ.

პრემიერ-მინისტრის თქმით, „თავისუფალი დემოკრატები“ ლოიალურად არიან განწყოფილი „ნაციონალური მოძრაობის“ მიმართ. მისი თქმით, ხელისუფლებაში ყოფნის დროს მაია ფანჯიკიძე და ირაკლი ალასანია, საგარეო ვიზიტებისას მხოლოდ მიხეილ სააკაშვილის დროს მიღწეულ პროგრესზე საუბრობდნენ და არ ცდილობდნენ დასავლეთის ქვეყნებისთვის მოეხსნათ ის არასწორი განცდა, რომ საქართველოში პოლიტიკური დევნა მიმდინარეობს.