„საქინფორმის“ მთავრი რედაქტორი არნო ხიდირბეგიშვილი გაზეთ „ასავალ-დასავალში“ თავდაცვის მინისტრის გადაყენების მიზეზებზე საუბრობს და იმ გეგმას „შიფრავს“, რომლის მიხედვითაც უნდა მომხდარიყო 15 ნოემბრიდან საქართველოში მოვლენების განვითარება.

არნო ხიდირბეგიშვილის განცხადებით, პრემიერმა ღარიბაშვილმა აშშ-სთვის უპატიებელი შეცდომა დაუშვა, როცა განაცხადა, რომ მისთვის მთავარი საქართველოს ინტერესებია და განაგრძო სააკაშვილის და წინა ხელისუფლების საქმეების გამოძიება. ამასთანავე მან პენტაგონის მთავარი დასაყრდენის , ნატოს მიერ კონტროლირებადი ალასანიას უწყებაში გამოძიების დაწყება გაბედა. ამ მოვლენებმა აშშ-ს სახელმწიფო დეპარტამენტის მოთმინების ფიალა აავსო.

„საქართველოსთვის აშშ-მა აამოქმედა სახელმწიფო გადატრიალების კომბინირებული ვარიანტი: 15 ნოემბერს 16:00 საათზე ნაცმოძრაობა დაიწყებდა თბილისში „მაიდანს“, რომელიც საღამოს „არაბულ გაზაფხულში“ უნდა გადაზრდილიყო! ნაცმოძრაობის აქციის შემდეგ , რომელიც პროვოკატორების გეგმით , უნდა გადაზრდილიყო მასობრივ არეულობებში, თავდაცვის მინისტრ ალასანიას ღამის განგაშზე ფეხზე უნდა დაეყენებინა დედაქალაქის გარეუბნებიდან- ვაზიანის ბაზიდან და კრწანისის ცენტრიდან- საჯარისო ქვედანაყოფები, რომლებიც ამერიკელმა ინსტრუქტორებმა ქალაქში ბრძოლის უნარ-ჩვევებში გაწვრთნეს და რომლებმაც ავღანეთი გამოიარეს.

მეორე დილით კი- 16 ნოემბერს - ვაზიანის და ალექსეევკის სამხედრო აეროდრომებზე უნდა დამჯდარიყო ორი ამერიკული ბორტი აშშ-ის საზღვაო ქვეითებისა და ნაციონალური გვარდიის ქვედქანაყოფებით, რომლებიც მხარს დაუჭერდნენ თავდაცვის მინისტრ ალასანიას, რომელმაც „დროებით ხელში აიღო ძალაუფლება კონსტიტუციური წესრიგის დაცვის მიზნით აშშ-ის № 1 სტრატეგიულ პარტნიორ- ქვეყანაში“

17 ნოემბერს -საქართველოს პრეზიდენტი და უმაღლესი მთავარსარდალი მარგველაშვილი საგანგებო მდგომარეობას გამოაცხადებდა კომენდატის საათთან ერთად , საქართველოს პარლამენტისადმი მოთხოვნით- დაემატკიცებინათ მისი ბრძანება, რაც მაშინვე შესრულდებოდა , რადგან კოალიცია „ქართულ ოცნებას“ იმ მომენტისთვის უმრავლესობა უკვე დაკარგული ეყოლებოდა!“ - წერს არნო ხიდირბეგიშვილი და ამატებს რომ ალასანიას სასწრაფო გადაყენებით ღარიბაშვილმა ეს გეგმა ჩაშალა.

წყარო "ასავალ-დასავალი"