"სააკაშვილი პირადი საჭიროებისთვის 2 ვერტმფრენს 40 მილიონად ყიდულობდა მაშინ, როცა ის მესაზღვრეებს არ ჰქონდა", - ამის შესახებ პრემიერ-მინისტრმა სასაზღვრო პოლიციაში 2014 წელს განხორციელებული სასაზღვრო ინფრასტრუქტურული პროექტების პრეზენტაციაზე განაცხადა.

ირაკლი ღარიბაშვილის თქმით, მათი ხელისუფლებაში ყოფნის დროს ყველა შვეულმფრენი იქნა გარემონტებული.

„ჩვენ 2014 წლის თებერვლიდან მნიშვნელოვნად გავზარდეთ მესაზღვრეების შრომის ანაზრაურება და მათი სამუშაო პირობების გავაუმჯობესეთ. თუნდაც ის, რომ სასაზღვრო პოლიციას შვეულმფრენები არ ჰყავდა, მაშინ როცა ჩვენდა სამწუხაროდ, ყოფილი პრეზიდენტი სააკაშვილი 40 მილიონ ევროდ ყიდულობდა საკუთარი საჭიროებისთვის 2 ვერტმფრენს. ეს იმ დროს, როცა ჩვენს მესაზღვრეებს ვერტმფერენი არ ჰყავდათ. სწორედ ჩვენი მთავრობის დროს პრაქტიკულად ყველა შვეულმფრენი იქნა გარემონტებული და სრულად აღიჭურვა ტექნიკით. ამაში დამატებით 7 მილიონი ლარი დაიხარჯა", - განაცხადა ირაკლი ღარიბაშვილმა