„ევროატლანტიკურ ინტეგრაციას შესაბამისი ქმედება სჭირდება და ასევე გამყარება“, - ამის შესახებ საგარეო საქმეთა ყოფილი მინისტრის პირველი მოადგილე, დავით ზალკალიანი „კვირის პალიტრასთან“ საუბრისას აღნიშნავს:

„ევროატლანტიკური ინტეგრაცია მხოლოდ სიტყვების დეკლარირება არ არის. ამას შესაბამისი ქმედება სჭირდება და ასევე გამყარება. ამ პროცესს სჭირდება სასამართლო სისტემის, პროკურატურისა და მთლიანად მართლმსაჯულების დამოუკიდებლობა და მათი საქმიანობის მაღალ ხარისხში აყვანა. ის, რაც გააკეთა პროკურატურამ, ამ კონტექსტში არავითარ შემთხვევაში არ ჯდება“, - აცხადებს ზალკალიანი.

„კვირის პალიტრასთან“ საუბრისას ზალკალიანი მაია ფანჯიკიძისა და მის გადაწყვეტილებას, თანამდებობიდან წასვლის შესახებ, ხსნის და აცხადებს, რომ ეს გადაწყვეტილება ქვეყნის ინტერესებიდან გამომდინარე მიიღეს:

„ეს არ არის ერთი კონკრეტული სისხლის სამართლის საქმე. როდესაც ხედავ, რომ ამ საქმის მიღმა არსებობს სხვა და გაცილებით სერიოზული საფრთხეები, იძულებული ხარ მიიღო კონკრეტული გადაწყვეტილება. ეს გადაწყვეტილება სწორედ ქვეყნის ინტერესებიდან გამომდინარე მივიღეთ“, - განმარტავს ზალკალიანი.