საქართველოს მთავრობაში განხორციელებულ საკადრო ცვლილებებს ამერიკის შეერთებული შტატების ელჩი დღესაც გამოეხმაურა. რიჩარდ ნორლანდი იმედოვნებს, რომ მინისტრებს უახლოეს დღეებში დაამტკიცებენ.

„ორშაბათია და იმედი მაქვს, ეს ნორმალური კვირის დასაწყისი იქნება. მე არ მინდა ვისაუბრო საქართველოს შიდა პოლიტიკურ საკითხებზე. შემიძლია ჩვენი ურთიერთობების საკითხებზე ვისაუბრო. იმედი მაქვს, ჩვენი თანამშრომლობა მომავალშიც მტკიცე იქნება. გვაქვს საერთო მიზნები, რეგიონში უსაფრთხოების, დემოკრატიისა და კეთილდღეობის დასამყარებლად“, - განაცხადა ნორლანდმა.