ირაკლი ალასანია ბიძინა ივანიშვილის კოალიცია „ქართული ოცნების“ პოლიტსაბჭოზე მისვლის საკითხს გამოეხმაურა. „თავსუფალი დემოკრატების“ ლიდერი განმარტავს, რომ მას ბიძინა ივანივილი დიდი ხანია არ უნახავს და ერთადერთი პირადი შეხვედრა მათ რამდენიმე დღის წინ, საერთო მეგობრის მამის გასვენებაში ჰქონდათ, სადაც შეთანხმდნენ, რომ უნდა გაემართათ ოფიციალური შეხვედრა, რომელზეც შეაფასებდნენ ბოლო დღეებში განვითარებულ მოვლენებს.

„როდესაც კოალიციის პოლიტსაბჭოზე მივდივარ, მე იქ ველოდები ჩემს პარტნიორებს, პარტნიორებს, ვისთან ერთადაც აღებული გვქონდა პასუხისმგებლობა ქვეყნის მმართველობაში. მე არასდროს მინახავს პოლიტსაბჭოზე ივანიშვილი მას მერე, რაც წავიდა, ან ვითომ წავიდა ხელისუფლებიდან“,

ირაკლი ალასანიამ თავდაცვის სამინისტროს მაღალჩინოსნების დაკავებას „პროკურატურის უგუნურობით“ მიმდინარე პროცესები უწოდა და აღნიშნა, რომ მომავალში გამოიკვეთება თუ ვისი წახალისებით ხდებოდა ეს ყველაფერი.

ალასანია ასევე აღნიშნავს, რომ ივანიშვილთნ შეხვედრაზე არანაირი შეთანხმება არ ყოფილა. ,,მხარეებმა შეაფასეს მიმდინარე მოვლენები, და აღნიშნეს რომ მიმდინარე პოლიტიკურმა პროცესებმა ქვეყანა არ უნდა დააზარალოს“, - განაცხადა ალასანიამ