ალასანია პროკურატურას დაუპირისპირდა, ეს იყო შეცდომა

ალასანია პროკურატურას დაუპირისპირდა, ეს იყო შეცდომა - ბიძინა ივანიშვილი

პოლიტიკა - 20:34, 08 Nov, 2014

1612

კრიზისის მსგავსი რაღაც შეიძლება იყო, მაგრამ დალაგებულია ყველაფერი, კოალიციაშიც იყო კრიზისის ნიშნები. რაც ხდება ნორმალური მოვლენაა, - ამის შესახებ ბიძინა ივანიშვილმა ,,მოამბის“ ეთერში განაცხადა.

ექსპრემიერის თქმით, მოვლენებიდან დასკვნების გამოტანაა სჭიროა, რაც მისი განმარტებით, ქვეყნის სასიკეთოდ უნდა იქნას გამოყენებული. ივანიშვილი დადებითად უყურებს ქვეყანაში კონსტრუქციული ოპოზიციის შექმნას, ,,მე ცუდს ვერაფერს ვხედავ, თუ კონსტრუქციული ოპოზიცია გაჩნდება, ამაში ცუდი არაფერია“, - აღნიშნა ექსპრემიერმა და თავდაცვის სამინისტროს მაღალჩინოსნების დაკავებასთან და შემდგომ გავნითარებულ მოვლენებთან დაკავშირებით ალასანიას პოზიცია გააკრიტიკა.

,,თავდაცვის უწყების თანამშრომლები დააკავეს, არ იყო მინისტრი თბილისში, იმყოფებოდა გერმანიასა და საფრანგეთში, რაც იმის საბაბი გახდა, რომ დაპატიმრებას პოლიტიკური უწოდეს. დაემატა განცხადება პროკურატურის მოწამვლებთან დაკავშრებით, მანამდეც ალასანიამ პოლიტიკური განცხადებები გააკეთა, და დაპირისპირება მოხდა პროკურატურასთა, ეს იყო შეცდომა ჩემი აზრით, მას პროკურატურისთვის საშუალება მაქსიმალურად უნდა მიეცა და დახმარებოდა. მეორე განცხადების შემდეგ, ნაცვლად იმისა, რომ თანაგუნდელებთან მომხდარიყო განხილვა, ყველამ ნახა, რა განცხადებებიც გააკეთა“, - განაცხადა ივანიშვილმა.

მისი თქმით, არ არსებობდა საფუძველი იმისა, რომ ,,ამ ყველაფერს დაუდეს პოლიტიკური სარჩული, არავითარი საფუძველი ამის არ არასებობდა“,

შესაძოა პროკურატურასთან საზოგადოებისგან შეკითხვები ყოფილიყო, - აცხადებს ივანიშვილი, თუმცა მიიჩნევს, რომ ალასანია მოვლენებს უნდა დალოდებოდა.

,,ეს რომ პოლიტიკურად ყოფილიყო ანგაჟირებული, რა პრობლემა იყო, დალოდებოდა ვთქვათ ვინც დაუკვეთა ეს ყველეფრი, პრემიერზე აქვთ ეჭვი თუ სხვა ვინმეზე. დალოდებოდა ალასანიას, გაეცნო მისთვის და მერე განვითარებულიყო მოველნები, რა პრობლემა იყო? მაგრამ პროკურატურის ქმედება ყველაფერს პირიქით აჩვენებს. მეორე საქმესაც პოლიტიკური სარჩული მიაკერეს. არავითარი კანონდარღვევა პროკურატურის მხრიდან არ იკვეთება. თუმცა გარკვეული პოლიტიკოსები მაინც აცხადებენ, რომ ეს არის პოლიტიკური ანგარიშსწორება. კანონის წინაშე ყველა ანგარიშვალდებულია“, - აღნიშნა ექსპრემიერმა.