,,აფხაზთა კრება“ გაიმართა დღეს ზუგდიდში, რომელსაც აფხაზურ არასამთავრობო და საზოგადოებრივ ჯგუფებთან ერთად ორგანიზაცია ,,ივერიას“ წევრები ესწრებოდნენ. მათ საგარეო საქმეთა მინისტრის ყოფილი მოადგილე ნიკოლოზ ვაშაკიძე და საფრანგეთში საქართველოს ყოფილი ელჩი მამუკა კუდავა.

ამ მოძრაობაში მთელი შეგნებით და მზადყოფნით ჩაერთო ჩვენი საზოგადოება ,,ივერია“ და უაღრესად აქტიურ მონაწილეობას მივიღებთ ყველა იმ ღონისძიებაში, რომელიც აქ არის გათვალისწინებული და დაიგეგმება. ამავე დროს ჩვენ, რა თქმა უნდა, სრულად ვიზიარებთ იმ მოთოხვნებს, რომელიც ამ მოძრაობის კონტექსტში ჟღერდება.

ნიკა ვაშაკიძის თქმით, აფხაზეთის ანექსიისა და აფხაზეთში დაბრუნების თემა უნდა გახდეს საყოველთაო და მასში უნდა იყოს ჩართული მთლიანად საქართველოს მოსახლეობა.

,,ეს მოძრაობა, რაც დღეს ხდება, წლების წინ რომ დაწყებულიყო, ჩემი აზრით, ამ და ბევრ სხვა საკითხში გაცილებით წინ ვიქნებოდით წასული, მაგრამ ,,სჯობს გვიან ვიდრე არასდროს“. ეს ღონისძიება ჩატარდება კიდევ სხვადასხვა რეგიონში და შეიძენს პერმანენტულ ხასიათს, რაც გულისხმობს იმას, რომ აფხაზეთში დაბრუნების თემა, თან სწორ კონცეფციაზე აგებული, გახდეს ინტენსიური და საყოველთაო და მასში ჩაბმული იყოს როგორც მთლიანად დევნილი მოსახლეობა, ასევე მთლიანად საქართველოს მოსახლეობა“, - განაცხადა ნიკა ვაშაკიძემ.

რაც შეეხება 15 ნოემბერს დაგეგმილ აქციას და მასთან ,,აფხაზთა კრების“ დღევანდელ შეკრებას, ვაშაკიძე განმარტავს, რომ ,,აფხაზთა კრება“ და მისი ზუგდიდში ჩატარება დაიგეგმა გაცილებით უფრო ადრე, ვიდრე გაჩნდა იდეა 15 ნოემბრის აქციისა, ,,ამიტომ არაფერი კავშირი ამ ღონისძიებებს შორის არ არსებობს“, - დასძენს ვაშაკიძე.