8 ნოემბერს პარლამენტის ეროვნული ბიბლიოთეკის დიდ დარბაზში „ინოვაციებისა და განვითარების ფონდმა“ მასშტაბური პროექტის „სახელმწიფო 3.0“-ის პრეზენტაცია გამართა. პროექტის კონცეფციის შეახებ საქართველოს პარლამენტის წევრმა და ფონდის დამფუძვნებელმა, გიორგი ვაშაძემ ისაუბრა.

„სახელმწიფო 3.0-რეფორმების ახალი ტალღა ‘’ მიზნად ისახავს ისეთი მექანიზმების შექმნას, რომლებიც ფოკუსირებული იქნება კონკრეტული პრობლემების ინოვაციურ გადაწყვეტაზე და უზრუნველყოფს აქტიური მოქალაქეები მონაწილეობას ამ ინიციატივების რეალიზებაში, ღონისძიებაზე პროექტის სარეკლამო რგოლის პრეზენტაცია გაიმართა.

„ნაციონალური მოძრაობის“ წევრმა „ნიუპოსტთან“ საუბრისას აღნიშნა, რომ ქვეყანაში მიმდინარე პროცესები მეტყველებს იმ ფაქტზე, რომ „ქართული ოცნება“ ღირებულებების გარშემო გაერთიანებული კოალიცია არ არის:

„მიმდინარე პროცესებმა დაგვანახა, რომ „ქართული ოცნება“ არ არის ღირებულებების გარშემო გაერთიანებული კოალიცია, ეს არის ფინანსური და სხვა ინტერესების გარშემო გაერთიანებული კოალიცია. ხელისუფლება ვერ უმკლავდება მის წინაშე არსებულ გამოწვევებს. სამწუხაროა, რომ ბიძინა ივანიშვილმა ხელისუფლება ჩააბარა ადამიანებს, რომლებსაც არ ჰყოფნით ცოდნა და გამოცდილება. ეს არის „ქართული ოცნების“ რღვევის დასაწყისი“, - განაცხადა „ნიუპოსტთან“ საუბრისას ვაშაძემ.

დეპუტატმა „თავისუფალ დემოკრატებთან“ დაკავშირებითაც გააკეთა კომენტარი:

„ჯერჯერობით „თავისუფალ დემოკრატებთან“ „ნაციონალური მოძრაობის“ თანამშრომლობის საკითხი არ განიხილება, ჩვენ ჩვენი განრიგი და გეგმები გვაქვს. თუმცა, რიგ საკითხებზე თანამშრომლობა შესაძლებელია. გლობალურ საკითხებზე ჯერჯერობით საუბარი ზედმეტია“, - აღნიშნა ვაშაძემ.