საგარეო საქმეთა მინისტრის ყოფილი მოადგილე დავით ზალკალიანი თამარ ბერუჩაშვილის და დავით ჯალაღანიას თანამდებობაზე დარჩენის ფაქტს ეხმაურება.

მისი თქმით, მომავალში გაირკვევა ვინ იყო მართალი და ვინ მიიღო მცდარი გადაწყვეტილება.

„თითოეული ადამიანი გადაწყვეტილებას საკუთარი არჩევანის მიხედვით აკეთებს. მომავალი დაგვანახებს თუ ვინ იყო მართალი და ვინ მიიღო მცდარი გადაწყვეტილება. მათ სინდისზე იყოს. მე მათ ყველას წარმატებას ვუსურვებ, იმიტომ, რომ ისინი ჩემი კოლეგები არიან. ასეთმა ქმედებამ ხინჯი არ უნდა დატოვოს ჩვენს ურთიერთობებში", - განაცხადა დავით ზალკალიანმა, რომელიც ცოტა ხნის წინ "თავისუფალი დემოკრატების" ყრილობაზე მივიდა.

ფილარმონიაში "თავისუფალი დემოკრატების" მორიგი ყრილობა იმართება. დღევანდელ ყრილობაზე პარტიის თავმჯდომარედ ირაკლი ალასანიას არჩევა იგეგმება.