თავდაცვის ყოფილი მინისტრის ირაკლი ალასანიას მეუღლე ნათია ფანჯიკიძე „თავისუფალი დემოკრატების“ ყრილობის შესახებ „ფეისბუქზე“ წერს.

„ბევრი მეკითხება პირადში (რის ნახვასაც ვასწრებ), ყრილობის შესახებ. მათთვის, ვისი წერილის გახსნამდეც ვერ მივაღწიე და იგივე შეკითხვა აქვს: დღეს სამ საათზე ფილარმონიაში, დასწრება არის თავისუფალი, ყოველგვარი მოსაწვევის და საშვის გარეშე“, - წერს ფანჯიკიძე.

დღეს ფილარმონიაში „თავისუფალი დემოკრატების“ მორიგი ყრილობა იმართება. როგორც ცნობილია, პარტიის თავმჯდომარედ ირაკლი ალასანიას არჩევა იგეგმება.