საქართველოს პარლამენტის თავმჯდომარე აცხადებს, რომ „ქართული ოცნების“ წარმომადგენლების შეხვედრებიდან „პროფესიონალ ჩიტს ამბები გამოაქვს“. ამის შესახებ კომენტარი უსუფაშვილმა გადაცემა „რეაქციაში“ გააკეთა:

„საინტერესოა და მინდა იმ ჩიტის მოძებვნა დავიწყო, ვინც მსგავს ამბებს გამოიტანს. ზოგჯერ ამ ჩიტს სწორი ინფორმაცია გამოაქვს, ზოგჯერ არა. პროფესიონალ ჩიტთან გვაქვს საქმე. არანაირი გაწევ-გამოწევა და ფიზიკური დაპირისპირება, მსგავსს არ შევსწრებივარ, დაძაბული საუბარი ყოფილა, მაგრამ ზღვარი არ გდაუკვეთავს“, - განაცხადა უსუფაშვილმა.

დავით უსუფაშვილმა ასევე გააკეთა კომენტარი იმაზე, რომ იგი თავდაცვის უწყებაში მიმდინარე მოვლენებზე იმაზე მეტ ინფორმაციას არ ფლობს, ვიდრე პროკურატურის განცხადბებშია მოყვანილი:

„მე საქართველოს პარლამენტის თავმჯდომარეს არსად არ მქონია არანაირ მასალასთან შეხება. ბევრი რამე მაინტერესებს, მაგრამ ხელი არ მიმიწვდება. პოლიტსაბჭოზე და ყველა სხვა შეხვედრაზე საუბარი არ გაცილებია იმ განცხადებას და საქმეს რაც პირველივე დღეს პროკურატურის განცხადებაში იყო მოყვანილი. ის საკითხები, რაც პროკურატურის მიერ იყო წინ წამოწეული ამის თაობაზე იყო რა თქმა უნდა საუბარი“, - განაცხადა უსუფაშვილმა.