საქართველოს პარლამენტის თავმჯდომარე, დავით უსუფაშვილი აცხადებს, რომ საქართველოს მიერ არჩეული კურსი დასავლეთისკენ, არ შეიცვლება, თუმცა, მიმდინარე მოვლენების გამო ამ კურსისკენ სვლის ტემპი შენელდა. ამის შესახებ უსუფაშვილმა ტელეკომპანია „იმედის“ გადაცემა „რეაქციაში“ ისაუბრა:

„ქვეყნის კურსი, მისი განვითარების ვექტორი არ იცვლება, ეს არის დადგენილი პარლამენტის მიერ, ამის თაობაზე დაწვრილებით ისაუბრა პრემიერმა. ერთია კურსი არ შეცვალო და მეორეა რა ტემპით მიდიხარ დასახული ამოცანებისკენ, ფაქტია ჩვენ ტემპი შეგვიმცირდა. იმიტომ რომ გამოგვაკლდა კვალიფიციური ადამიანები. შეიძლებოდა თუ არა ამის თავიდან აცილება? მე იმას ვწუხვარ, რომ შეიძლებოდა. აქ შეიძლებოდა ყველა მხარეს ცოტა მეტი დაფიქრება გამოეჩინა ამ ნაბიჯების გადადგმისას. არ მინდა ისე გამოჩნდეს, რომ ვიღაცებში ვხედავ პრობლემას. ძალიან კარგად უნდა დავფიქრდეთ, როცა ვიღებთ პასუხისმგებლობას ქვეყნის მართვაზე, ამ მმართველობის სტილი არის ყურადღების ცენტრში. რა თქმა უდა ჩვენ პირველ რიგში ჩვენი მოქალაქეების მიმართ ვართ პასუხისმგებელნი“, - განაცხადა უსუფაშვილმა.