საქართველოს თავდაცვის ყოფილი მინისტრი ირაკლი ალასანია პარლამენტის თავმჯდომარეს, დავით უსუფაშვილს შეხვდა. როგორც შეხვედრის შემდეგ ალასანიამ ჟურნალისტებს განუცხადა, მან უსუფაშვილს ინფორმაცია გადასცა, როგორც თავდაცვის ყოფილმა მინისტრმა:

„ვისაუბრეთ იმ თემებზე, როგორც მინისტრს და პარლამენტის თავმჯდომარეს გვქონდა განხილვა რამდენიმე დღის წინ, რაც ეხება თავდაცვის სამინისტროს და პარლამენტის ურთიერთობებს, გარკვეული ინფორმაცია მივაწოდე, თუ როგორ მოხდა ფუნქციების გადაბარება, ხედვებიც გავცვალეთ. ასევე ბუნებრივია კალეიდოსკოპური სისწრაფით განვითარებულ მოვლენებზეც ვისაუბრეთ. აღვნიშნეთ ჩვენი ფრაქციის გამოყოფა უმრავლესობიდან და ვისაუბრეთ იმაზეც, რომ ეს პროცესები წარიმართოს ისე, რომ სახელმწიფო არ დაზიანდეს“, - განაცხადა ირაკლი ალასანიამ.