კოალიცია „ქართული ოცნება“ თავისუფალმა დემოკრატებმა გორშიც დატოვეს. თამარ თედლიაშვილმა და დავით წეწვაძემ ამის შესახებ დღეს საგანგებო ბრიფინგზე განაცხადეს.

"რამდენიმე წლის წინ, როდესაც ჩვენ დავიწყეთ ბრძოლა წინა ხელისუფლების წინააღმდეგ, მთელი საზოგადოება და პოლიტიკური ძალები, რომლებიც კოალიციის წევრები არიან, გავერთიანდით ერთი ადამიანის ირგვლივ და უმძიმესი, შეუპოვარი ბრძოლით მივაღწიეთ კიდეც დასახულ მიზანს. კოალიციამ ერთგული გუნდით ჩავატარეთ საპრეზიდენტო და თვითმმართველობის არჩევნები. 5 ნოემბერს "თავისუფალი დემოკრატები" გავიდნენ კოალიციიდან.

გორის "თავისუფალი დემოკრატები" ვართ ერთსულოვანნი დღეიდან, ჩვენ აღარ ვართ კოალიცია “ქართული ოცნების“ წევრები და დამოუკიდებლად ვაგრძელებთ პარტიის "თავისუფალი დემოკრატების" წინაშე დასახულ ყველა მიზნისა და ამოცანის განხორციელებას“, - აცხადებს თამარ თედლიაშვილი.

გიორგი ახალკაცი „ნიუპოსტი“ შიდა ქართლი.