„თავისუფალი დემოკრატების“ წევრები დღეს 14:00 საათზე ფრაქციის სხდომაზე შეიკრიბებიან. დეპუტატები მომავალი საქმინობის დეტალებზე ისაუბრებენ.

როგორც ცნობილია, ფრაქცია საპარლამენტო უმრავლესობას ტოვებს. თუმცა, ამ ყოველივესთვის მნიშვნელოვანი პროცედურების გავლაა საჭირო. აღსანიშნავია, რომ ფრაქციას „ქართული ოცნება - თავისუფალი დემოკრატების“ ნაცვლად „თავისუფალი დემოკრატები“ დაერქმევა.

აღსანიშნავია, რომ ამ წუთებში საქართველოს თავდაცვის ყოფილ მინისტრ ირაკლი ალასანიასა და ადამიანის უფლებათა დაცვის კომიტეტის თავმჯდომარის მოადგილეს, გედევან ფოფხაძეს შორის კონსულტაცია იმართება. შეხვედრის შემდეგ გაირკვევა, გედევან ფოფხაძე ტოვებს თუ არა საპარლამენტო უმრავლესობას.