პარლამენტსა და პრეზიდენტის ინსტიტუციას შორის უთანხმოების ნიშნებია

პარლამენტსა და პრეზიდენტის ინსტიტუციას შორის უთანხმოების ნიშნებია - ექსპერტი

პოლიტიკა - 11:55, 07 Nov, 2014

1969

პარლამენტსა და პრეზიდენტის ინსტიტუციას შორის უთანხმოების ნიშნები ჩნდება. საქმე ეხება გიორგი მარგველაშვილის მიმართვას, რომელიც პარლამენტისგან მთავრობასთან ერთად დასავლური კურსის შეუქცევადობის განხილვას ითხოვს. დეპუტატების განცხადებას, რომ პრეზიდენტს პარლამენტში გამოსვლის ლიმიტი ამოეწურა, ექსპერტი ლევან ალაფიშვილი არ იზიარებს.

„ნიუპოსტთან“ სასუბარში ალაფიშვილი განმარტავს, პრეზიდენტს კონტიტუციის მიხედვით აქვს ვალდებულებაც და უფლებამოსილებაც, რომ მიმართოს პარლამენტს.

მისი თქმით, ვალდებულების ნაწილში განიხილება ქვეყნის პირველი პირის ყოველწლიური გამოსვლა პარლამენტში. ამ შემთხვევაში პრეზიდენტის მიდის პარლამენტის შენობაში და წარდსდგება მოსხენებით კანონმდებლების წინაშე.

ხოლო უფლებამოსილების ნაწილში განიხილება პრეზიდენტის უფლება მიმართოს პარლამენტარებს, თუმცა შეუძლია ეს მოხდეს საკანონმდებლო ორგანოს შენობის გარეთაც.

„კონსტიტუცია წინააღმდეგობრივია იმ ნაწილში, რომელიც შეეხება პრეზიდენტის გამოსვლას პარლამენტში. თუმცა ეს შეგვიძლია განვიხილოთ ვალდებულების ნაწილში. ამის გარდა, ბუნებრივია, კონსტიტუციაშიც არის ასახული, რომ პრეზიდენტს აქვს უფლებამოსილება მიმართოს პარლამენტს და ხალხს. პარლამენტთან მიმართვას თუ ვინმე ისე წარმოიდგენს, რომ პრეზიდენტი გამოვიდეს და პარლამენტოვო დაუძახებს და მერე ტექსტს გააგრძელებს, ეს მგონი არასწორი იქნება. მიმართვა და ამ უფლების რეალიზაცია პარლამენტის შემადგენლობისთვის მიმართვას გულისხმობს. ფიზიკურად შენობაში ყოფნამდე ამ საკითხის დაყვანა არ შეიძლება. შესაძლებელია, პრეზიდენტი პარლამენტის წევრებთან ერთად სპორტის სასახლეში მივიდეს. აქ ფორმაზე არ არის საუბარი, აქ შინაარსზე. ერთი პრეზიდენტის უფლებაა და მეორე ვალდებულება. კაზუისტიკის ძიება აქ ლამაზი არ იქნება. ასე, რომ თუ ვინმე პერსონალურად აღებული წინააღმდეგი არ არის ამისი, პრეზიდენტისთვის ამ უფლების გამოყენებას არაფერი დაუდგება წინ“, - ამბობს ალაფიშვილი.

მისი თქმით, პარლამენტი ამ შემთხვევაში „ჩიხურ სიტუაციში“ შეიძლება აღმოჩნდეს.

„წარმოიდგინეთ ორი არჩეული უმაღლესი ინსტიტუცია ერთმანეთთან ურთიერთობაში და ერთი იღებს გადაწყვეტილებას, რომ არა არ მოგისმენთ. ეს უკვე ორ წარმომადგენლობით ორგანოს შორის უთანხმოების ნიშნებს წარმოშობს“, - აცხადებს ალაფიშვილი.

პრეზიდენტმა პარლამენტს თხოვნით მიმართა უახლოეს პერიოდში მოიწვიოს სხდომა, სადაც განხილული იქნება ევროკავშირთან ასოცირების ხელშეკრულების იმპლემენტირების საკითხი.