საქართველოს პრემიერმინისტრმა, ირაკლი ღარიბაშვილმა მთავრობის კანცელარიაში მიმდინარე მთავრობის სხდომაზე საყოველთაო აღწერის შესახებ კომენტარი გააკეთა. მისი თქმით, საყოველთაო აღწერა მნიშვნელოვანია იმ ფაქტორის გამო, რომ დადგინდება ამომრჩეველთა ზუსტი რაოდენობა:

„12 წელია ჩვენს ქვეყანაში არ ჩატარებულა აღწერა, აღწერის შედეგად ჩვენ გვექნება უახლესი ინფორმაცია ჩვენი ქვეყნის მოსახლეობის რიცხოვნობის, ასაკობრივი სტრუქტურის, დასაქმების, განათლების, ჯანმრთელობის მდგომარეობის, მათი საარსებო წყაროების და საცხოვრისების შესახებ. აგრეთვე, რაც ჩვენთვის ძალიან მნიშვნელოვანია, დაზუსტდება ქვეყანაში მუდმივად მცხოვრები ამომრჩევლების რაოდენობა, რომ ერთხელ და სამუდამოდ დამთავრდეს სპეკულაცია იმის თაობაზე თუ რამდენი ამომრჩეველი არის საქართველოში. მინდა მოგიწოდოთ ყველას, რომ მაქსიმალურად ვითანამშრომლოთ სტატისტიკის სამსახურთან. ასევე კონფიდენციალურობა მაქსიმალურად დაცული იქნება“, - განაცხადა ღარიბაშვილმა.