თავდაცვის ყოფილ მინისტრასა და ევროკავშირის ელჩს შორის დახურული შეხვედრა შედგა, ირაკლი ალასანიამ დიპლომატს ბოლო დღეებში განვითარებულ მოვლენებზე მიაწოდა ინფორმაცია. შეხვედრის დასრულებისას ირაკლი ალასანიამ კომენტარი ჟურნალისტებთან გააკეთა . ყოფილი თავდაცვის მინისტრი ფიქრობს, რომ გამოძიების ინტერესები პირადად მას უკავშირდება.

"ბუნებრივია, ვისაუბრეთ ბოლო პერიოდში პროკურატურის მიერ წარმოებულ იერიშზე პოლიტიკური ნიშნით თავდაცვის ყოფილი მინისტრის და ზოგადად თავისუფალი დემოკრატების მიმართ. როგორც ელჩმა აღნიშნა, დაინტერესებულები იქნებიან, რომ გამოძიება წარიმართოს ღიად, მაგრამ ღიად ვერ მიმდინარეობს და აქედან გამომდინარე, ეს ეჭვები, რომელიც მყარდება, დღითიდღე საქართველოს აზიანებს. ჩემი მთავარი ამოცანაა, სწრაფად დაიწყოს ღია გამოძიება. ყველაფერს დაერქვას თავისი სახელი. მე არაფერს არ გამოვრიცხავ, ყველაფერს ველოდები და პირიქით, მოვუწოდებ, მე ხომ ვიცი, რომ ამ ყველაფრის სამიზნე ვარ მე და მე მინდა ყველამ იცოდეს, რომ ის უდანაშაულო ბიჭები უნდა გამოვიდნენ და თუ რამე შეკითხვები აქვთ, მოვიდნენ ჩემთან" - განაცხადა ალასანიამ.