ხვალ დედაქალაქის რამდენიმე უბანს წყალმომარაგება შეუწყდება. 7 ნოემბერს, დილის 10 საათიდან 8 ნოემბრის დილის 10 საათამდე წყალმომარაგება შეუწყდება: სოფლებს - გლდანსა და გიორგიწმინდას, მუხიანის სამხედრო დასახლებასა და "აგარაკებს" , ცენტროლიტის, კონიაკის, გლდანულას, გაზისა და ბერთუბნის დასახლებებს, ანდრონიკაშვილს, ბიჭვინთის და რევოლუციის ქუჩებს, თემქის III მ/რაიონს, გლდანის მასივის III, IIIა, V, VI, VII, VIII მ/რაიონებს, სასჯელაღსრულების დეპარტამენტის გლდანის N8 დაწესებულებას და ,,ჰაიდელბერგცემენტის" ბეტონის ქარხანას.

"ჯორჯიან უოთერ ენდ ფაუერის" (GWP) საზოგადოებასთან ურთიერთობის სამსახურის ინფორმაციით, წყალმომარაგების შეწყვეტა სოფელ გლდანში, წყლის ახალი მაგისტრალური მილი ექსპლუატაციაში გაეშვებას უკავშირდება.

კომპანიის ინფორმაციით, სოფელ გლდანში, 26 მაისის ქუჩაზე, "ჯორჯიან უოთერ ენდ ფაუერმა" ახალი მაგისტრალური მილი გაიყვანა.

"ახალმა მილმა უკვე გაიარა ტექნიკური ტესტირება და მზად არის ექსპლუატაციაში გასაშვებად. წყალსადენის სისტემასთან ახალი მილის მიერთების სამუშაოებს კომპანია ხვალ დილიდან განახორციელებს, რაც აუცილებლად მოითხოვს მაგისტრალური ქსელების წყლისგან დაცლას. "ჯორჯიან უოთერ ენდ ფაუერი" შეეცდება სამუშაოების ჩატარება შესაძლებლად მოკლე დროში დაასრულოს.

კომპანიის ინფორმაციით, წყალმომარაგების აღდგენა მოხდება ეტაპობრივად, 8 ნოემბრის დილის 10 საათიდან, ახალი მილის არსებულ ქსელთან მიერთების სამუშაოების დასრულებისთანავე.