,,გააკონტროლეთ ბერძენიშვილი! შეგიძლიათ ეხლავე წახვიდეთ კოალიციიდან“

,,გააკონტროლეთ ბერძენიშვილი! შეგიძლიათ ეხლავე წახვიდეთ კოალიციიდან“ - ივანიშვილი რესპუბლიკელებს აფრთხილებს

პოლიტიკა - 13:19, 06 Nov, 2014

9729

„ქრონიკა +“-ის მთავარი რედაქტორი ელისო კილაძე პრემიერისა და უმრავლესობის წევრების შეხვედრის დეტალებს ასაჯაროებს. როგორც „ნიუპოსტთან“ საუბარში კილაძემ განაცხადა, შეხვედრაზე, რომელსაც ბიძინა ივანიშვილიც ესწრებოდა, ამ უკანასკნელსა და „რესპუბლიკელებს“ შორის საკმაოდ დაძაბული საუბარი გაიმართა.

„ყოფილი პრემიერი კოალიციის ფარგლებში გამართულ ორივე შეხვედრას ესწრებოდა. პირველ შეხვედრაზე მან დახურულ კარს მიღმა კოალიციის წევრ პარტიევს ესაუბრა, თან აინტერესებდა გაამხელდა თუ არა ვინმე იმ ფაქტს, რომ ბიძინა ივანიშვილი ამ შეხვედრას ესწრებოდა. შუადღისკენ თინა ხიდაშელმა ეს გააჟღერა, მაგრამ დეტალურად არ ისაუბრა იმ თემებზე, რაც ბიძინა ივანიშვილმა იმ მყოფ პარტიებს და მათ შორის პერსპუბლიკელებს წაუყენა. ჩემი ინფორმაციით, მას საკმაოდ მკაცრი ტონი ჰქონდა. მას სურდა გაერკვია რას ნიშნავდა ის განცხადებები, რომ „რესპუბლიკელები“ სოლიდარობას უცხადებენ „თავისუფალ დემოკრატებს“. ძალიან მძიმე საუბარი გაიმართა დათო ბერძენიშვილსა და ბიძინა ივანიშვილს შორის. დათო ბერძენიშვილმა თქვა, რომ ჩვენ კოალიციას ყველაზე ბოლოს დავტოვებთო, რაზეც ბიძინა ივანიშვილმა უპასუხა: „როდის, „ქართული ოცნებაც“ როდესაც წავა, მას შემდეგ“?. ასევე უთხრა, რომ თუ სურვილი გაქვთ შეგიძლიათ ეხლავე წახვიდეთო. ყოფილი პრემიერი მკაცრი იყო, ასევე, „რესპუბლიკური პარტიის“ თავმჯდომარის განცხადებების მიმართ და მოუწოდა კოალიციაში მყოფ პარტიის წევრებს, რომ გაეკონტროლებინათ პარტიის თავმჯდომარის განცხადებები“, - განაცხადა კილაძემ.