თავდაცვის ყოფილი მინისტრი ირაკლი ალასანია „ნაციონალურ მოძრაობას“ ლობირებდა. ამის შესახებ პრემიერ-მინისტრმა მთავრობის სხდომის წევრებთან შეხვედრაზე განაცხადა.

„ერთადერთი ადამიანი, რომელიც ღიად ლობირებდა და მფარველობდა „ნაციონალურ მოძრაობას“ იყო ალასანია. დაწყებული გიგი უგულავათი და გიგა ბოკერიათი... ასე, რომ ჩემში ყველა კითხვა ამოხსნილია. იგივე მისი განცხადება, რომ ის აპირებს ყველა პროევროპულ ძალასთან ითანამშრომლოს, მათ შორის „ნაციონალებთან“, არის კიდევ ერთი თვითილუსტრირება“, - განაცხადა ღარიბაშვილმა.

ირაკლი ალასანია ,,ნაციონალურ მოძრაობასთან“ პოლიტიკურ კავშირს არ გეგმავს, თუმცა ის არ გამორიცხავს თანამშრომლობას კოალიციაში შემავალ ძალებთან, მათ შორის რესპუბლიკელებთან.