ეკა ბესელია „ქართული ოცნების“ პოლიტსაბჭოს სხდომის დაწყებამდე უმრავლესობის შესაძლო დაშლას გამოეხმაურა:

„ჯერ ნუ ვიჩქარებთ რამდენი გამოაკლდა, დაველოდოთ მოვლენებს, ვინ რა გადაწყვეტილებას მიიღებს, პარლამენტში თანამშრომლობის სივრცე არსებობს, მე დარწმუნებული ვარ რომ უმრავლესობა არ დაიშლება, მე ამ ადამიანებს ხმებად არ ვითვლი, თითოეული მათგანი ძალიან ღირებულია, ჩვენ თანამშრომლობისთვის და კარგი გადაწყვეტილებისთვის ხმის მიცემა და საერთო გადაწყვეტილების მიღება არ უნდა გაგვიჭირდეს.“- განაცხადა ბესელიამ.

ეკა ბესელია პრემიერ-მინისტრის გადაწყვეტილებებს ეთანხმება და აცხადებს რომ თავდაცვის ყოფილი მინისტრის განცხადებები უპასუხისმგებლო იყო:

„მე ვეთანხმები პრემიერ მინისტრს, მის გადაწყვეტილებას და შეფასებებს, არ შეიძლებოდა ისეთი გამონათქვამების და შეფასებების გაკეთება, თითქოს ევროატლანტიკურ კურს საფრთხე ემუქრება და ეჭვის ქვეშ დგება საქართველოს საგარეო კურსი, ამ განცხადების გაკეთება იყო უპასუხისმგებლო და არ იყო გამართლებული“- აღნიშნა ბესელიამ.