„ქართული ოცნების“ ცენტრალურ ოფისში ამ დროისათვის კოალიციის პოლიტიკური საბჭოს სხდომა მიმდინარეობს. სხდომაზე შესვლამდე „რესპუბლიკური პარტიის“ თავმჯდომარემ, ხათუნა სამნიძემ ჟურნალისტებისთვის კომენტარი გააკეთა. სამნიძემ განაცხადა, რომ პარტია საკუთარი პოზიციის შესახებ ინფორმაციას სხდომის დასრულების შემდეგ გაავრცელებს:

„ძალიან მნიშვნელოვანი პოლიტიკური საბჭოა დღეს, ჩვენც განცხადებას მას შემდეგ გავაკეთებთ, რაც დასრულდება საბჭოს სხდომა, როდესაც პოზიციებს მოვისმენთ, რაც შეეხბეა მიმდინარე პროცესს, ის არის ძალიან რთული, ძალიან დინამიურად მიმდინარეობს პოლიტიკური პროცესი, პრაქტიკულად გადავდივართ თემატურ თანამშრომლობაზე პარლამენტში, მხოლოდ პოლიტიკური საბჭოს შემდეგ გავავრცელებთ ჩვენს პოზიციას“, - განაცხადა ხათუნა სამნიძემ.