პარტია „ქართული ოცნების“ ოფისში გუშინ, გამართულ კოალიციის სხდომას სავარაუდოდ, ყოფილი პრემიერ-მინისტრი ბიძინა ივანიშვილიც ესწრებოდა.

როგორც საპარლამენტო კულუარებში „ინფო 9“-ს განუცხადეს, პრემიერ-მინისტრ ირაკლი ღარიბაშვილს, მინისტრებსა და უმრავლესობის წევრებს შორის გამართულ შეხვედრას ბიძინა ივანიშვილიც ესწრებოდა.

აღნიშნულ ინფორმაციას „ინფო9“-ს უმრავლესობის ლიდერი დეპუტატები პირად საუბრებში უდასტურებენ, თუმცა, საჯაროდ ამის თქმას ერიდებიან.

რა პოზიცია დააფიქსირა თავდაცვის სამინისტროში განვითარებულ მოვლენებზე ბიძინა ივანიშვილმა, ამას მმართველ გუნდში არ აკონკრეტებენ.

პარტიის ოფისში გუშინ, კოალიციის წევრთა შეხვედრა რამდენიმე საათის განმვალობაში დახურულ კარს მიღმა მიმდინარეობდა. სხდომის დასრულების შემდეგ, პრემიერ-მინისტრმა, ირაკლი ღარიბაშვილმა პრესკონფერენცია გამართა, სადაც თავდაცვის მინისტრი ირაკლი ალასანია პოსტიდან გაათავისუფლა და მის შემცვლელად მინდია ჯანელიძე წარადგინა.

წყარო: info9.ge