ექსპერტი ეკონომიკის საკითხებში, დემურ გიორხელიძე ქვეყანაში განვითარებულ მოვლენებზე სოციალურ ქსელში წერს:

„ახლა პ ო ლ ი ტ ი კ უ რ ი გადაწყვეტილებების მიღების დროა: პარლამენტში და მთავრობის უმაღლეს თანამდებობაზე უსუსტესი პარტიების წარმომადგენლების გამწესება" არაფრით იყო აუცილებელი და ნაკარნახევი!..

მათ მაინც ვერ შეიშნეს ხელისუფლებაში "ნახალიავუ" (ანუ "მუქთად", სხვის ხარჯზე) მოხვედრა და... აუთამაშდათ ერთი გამოკვეთილი ადგილი!.. და... პოლიტიკური შეცდომები დაუშვეს, -აჩვენეს - მათი ნდობა არ შეიძლება არავითარ შემთხვევაში!
უახლოეს თვეებში, კონსტიტუციის შესაბამისად, ან:

1. ვადამდელი საპარლამენტო არჩევნები უნდა ჩატარდეს
და რეალური პოლიტიკური სურათი დაიდოს, რაც განმუხტავს კრიზისისწინა განწყობებსა და მოლოდინებს! ან:

2. კიდევ უფრო მასშტაბური ნაბიჯი უნდა გადაიდგეს და... არ მოგეჩვენოთ პარადოქსულად, - ხალხის და სახელმწიფოს ინტერესებიდან გამომდინარე,
(ა) უნდა დაშლილი იქნას მმართველი კოალიცია, - 2-3 პარტია, რომლებმაც გამოამჟღავნეს რომ... არა აქვთ პოლიტიკური ალღო და ვერ აფასებენ იმას, რაც მუქთად მიიღეს, - ცალკე, თავისუფალ ცურვაში იქნან გაშვებულნი!
თავში ქვა უხლიათ და აგერ ასპარეზი - მივიდნენ და ქართველ ხალხს დაუმტკიცონ თავინთი ვარგისიანონობა, - რას მიიღებენ, დაელოდნო!

და, უ მ თ ა ვ რ ე სი: (ბ) შ ე ქ მ ნ ი ლ საკმარისად მძიმე სიტუაციაში,
თუ ხელისუფლებას ეყოფა პოლიტიკური ალღო და
პოლიტიკური თამაშის გამოცდილება, ზემოთ აღნიშნულის შემთხვევაში (კოალიციის დაშლის შემთხვევაში), და.. თუ შეუძლია წინა ხელისუფლების ოდიოზური და დანაშაულში გახვეული ლიდერების იზოლაცია (თუ ამის მტკიცებულებები არსებობს), - დიდი პოლიტიკური შერიგება გამოცხადოს
და "მონკლოის პაქტის" ტიპის შეთანხმების მიღწევის შემდეგ, ამ ეტაპის პოლიტიკური მომენტიდან გამომდინარე, "ოცნებამ" კოალიცია ჩამოაყალიბოს პარლამენტში მყოფ "ნაციონალურ მოძრაობასთან" ერთად... ეს საშუალებას იძლევა გავლილი იქნას რთული ეტაპი, რომელიც არ მიდის კარგისკენ!
ა მ ა ს თ ა ნ, ეს იქნება სახელმწიფოს და მისი პოლიტიკური სპექტრის სიმწიფის მიმანიშნებელი, რომ... კრიზისულ სიტუაციაში მოიძებნა პოლიტიკური გამოსავალი და არ მივიდა საქმე დაპირისპირებამდე... ამას, სხვანაირად, პ ო ლ ი ტ ი კ უ რ დისკურსში მოქმედება ჰქვია... გავივლით ამ ეტაპს და... 2016 წელს დრო გვიკარნახებს, - ახალ არჩევნებში ვინ როგორ და ვისთან უნდა დაჯგუფდეს! ეს ნაბიჯი მოხსნის ბოლშევიკურ დაპირისპირებას ქვეყანაში და შექმნის სრულიად ახალ რეალობას! ან დიდი შეთანხმება, ანდა... 24 წლიან ჭაობში ჩაძირვა საბოლოოდ!“, - წერს დემურ გიორხელიძე.