საქართველოს საგარეო საქმეთა მინისტრმა მაია ფანჯიკიძემ გამართულ ბრიფინგზე განაცხადა, რომ მან დაკავებული თანამდებობა დატოვა. პოსტები დატოვეს ასევე დავით ზალკალიანმა, თამარ ბერუჩაშვილმა, ლევან გურგენიძემ და დავით ჯალაღანიამ:

„მე და ჩემმა გუნდმა, ბატონი დავით ზალკალიანი, თამარ ბერუჩაშვილი, ბატონი ლევან გურგენიძე და ჩვენ გვიერთდება ბატონი დავით ჯალაღანია, რომელიც ამჯერად იმყოფება კუბაში ოფიციალური ვიზიტით, გადავწყვიტეთ დავტოვოთ დაკავებული თანამდებობები. მე ასევე ვტოვებ პოლიტიკური გაერთიანება „ქართული ოცნების“ რიგებს. ყალბი თავმდაბლობის გარეშე ვიტყვი, რომ გასული ორი წლის განმავლოაბში ჩვენმა გუნდმა შესაძლებლის მაქსიმუმს მიაღწია“, - განაცხადა ფანჯიკძემ.