„მთავრობას არ უნდა, რომ საქართველოში ჩამოვიდე, რადგან ჩემი ეშინიათ“, - ამის შესახებ საქართველოს ექს-პრეზიდენტმა მიხეილ სააკაშვილმა „Forbes“-თან ინტერვიუში განაცხადა.

მისი თქმით, მისთვის საქართველოში ჩამოსვლა არ არის „ჯაყოს მსგავსი არსების პირად დილეგში ჩაჯდომა“.

„სულ მწერენ „ფეისბუქზე“, რომ დავბრუნდე საქართველოში. ათასობით წერილს ვიღებ, თუ რატომ არ ვბრუნდები. ამაზე არის ერთი უნივერსალური პასუხი: როგორ? საქართველოში დაბრუნება ჩემთვის არ არის ვიღაც გაუნათლებელი უტიფარი და ჯაყოს მსგავსი არსების პირად დილეგში ჩასმა, რომელიც საქართველოს თავს ჭრის. საქართველოს მთავრობას არ უნდა ჩემი ჩამოსვლა, რადგან ჩემი ეშინია. საკმარისია, საქართველოს გვერდით რომელიმე ქვეყანაში გამოვჩნდე, მომენტალურად ხდება მობილიზაცია პოლიციის რეიდების, მივლინებით ავლენენ იქ სუს-ის და პროკურატურის თანამშრომლებს და ღარიბაშვილი იწყებს ამ ქვეყნების ლიდერებთან რეკვას. ეს უკვე სასაცილოც აღარ არის“, - განაცხადა სააკაშვილმა.