გენერალური შტაბის ხელმძღვანელის ვახტანგ კაპანაძის განმარტებით, თავდაცვის ყოფილმა მინისტრმა ირაკლი ალასანიამ, საქართველოს შეიარაღებული ძალებისთვის ძალიან ბევრი რამ გააკეთა და მისი მინისტრობის პერიოდი, შესაძლოა ერთერთ ყველაზე წარმატებულ ეტაპად ჩაითვალოს:

„ვინაიდან პენტაგონი სამხედრო ორგანიზაციაა, მსგავსი კითხვები არ ყოფილა, ერთერთმა პოლიტიკურმა წარმომადგენელმა, გაერთიანებული შტაბის უფროსის მრჩეველმა მკითხა სიმართლეს შეესაბამებოდა თუ არა და რამდენად ვიყავით ინფორმირებულები. დანარჩენი, ძალიან საქმიანი შეხვედრები იყო. ჯარი არ არის რომელიმე პოლიტიკური მხარის ნაწილი, ჯარი არის დამოუკიდებელი სამხედრო უწყება, დამოუკიდებელი ინსტიტუტი, რომელიც არ ექვემდებარება არცერთ პოლიტიკურ ძალას. ჩვენ გვაქვს ჩვენი ამოცანა, დანაყოფები ასრულებენ საკუთარ ყოველდღიურ რეჟიმს. ბატონმა ალასანიამ ძალიან ბევრი გააკეთა შეიარაღებული ძალებისთვის, შეიძლება მისი მინისტრობის პერიოდი, ქართული შეიარაღებული ძალების განვითარების ერთერთ მნიშვნელოვან ეტაპად ჩაითვალოს.

რაც შეეხება ახალ მინისტრს, რა თქმა უნდა კარგად ვიცნობ და წარმატებას ვუსურვებ“, - განაცხადა ვახტანგ კაპანაძემ.