„ის რაც კეთდება დღეს და ამ ერთი კვირის განმავლობაში, არის მიზანმიმართული შეტევა, როგორც თავდაცვის სამინისტროზე, ასევე პოლიტიკურ ლიდერზე“, - ამის შესახებ საქართველოს თავდაცვის ყოფილმა მინისტრმა ირაკლი ალასანიამ ტელეკომპანია „რუსთავი 2“-ის გადაცემა „არჩევანში“ ისაუბრა:

„როდესაც მე ღარიბაშვილს ვუსმენდი, მე სამწუხაროდ დავინახე მხარე. ის რაც კეთდება დღეს და ამ ერთი კვირის განმავლობაში, არის მიზანმიმართული შეტევა როგორც თავდაცვის სამინისტროზე, ასევე პოლიტიკურ ლიდერზე. ყველას კარგად ახსოვს როგორ განვითარდა ჩემი და ბიძინას ურთიერთობა. მაშინ საჭირო იყო ჩემი მხრიდან, რომ მომეთმინა, რათა ასრულებულიყო ის მიზნები რაც დავისახეთ, ნაწილობრივ ეს მიზნები მიღწეულია. ხვალ პოლიტ საბჭოზე ჩვენ გვექნება განხილვა თუ როგორ განაგრძობს კოალიცია საქმიანობას. ერთი წუთითაც არ მეპარება ეჭვი, რომ ჩვენ სწორი გავაკეთეთ, როდესაც ერთ მუჭად შევიკარით და დღეს ყველაზე მაღალ ღირებულებას გაევლო ზღვარი, უნდა გავაკეთოთ არჩევანი, ვუერთდებით ევროპულ ოჯახს თუ მართლაც არსებობს ქვეყანაში პოლიტიკური ძალაც, რომელიც ცდილობს ქვეყნის ბედი რუსეთს დაუკავშიროს“, - განაცხადა ალასანიამ.