საპარლამენტო უმრავლესობის წევრის, ზურაბ აბაშიძის განცხადებით, თავდაცვის სამინისტროზე ზეწოლა სახეზეა, „თავისუფალ დემოკრატებს“ კი „არავისი ეშინია, მათ შორის არც პროკურატურის“:

„თავისუფალი დემოკრატები“ არ დაესწრნენ უმრავლესობის შეხვედრას, ეს ფაქტია, ჩვენ გადავწყვიტეთ, რომ ჩვენს ლიდერს მიმდინარე მოვლენებზე პრესკონფერენცია ჩაეტარებინა. მთავარი არ არის ბატონი შოთაძე რას საუბორბს, ჩვენ ეს მივიღეთ, როგორც გამოწვევა. ჩვენ მიგვაჩნია, რომ დღეს არ იყო ამის აუცილებლობა, რომ ეს ადამიანები ყოფილიყვნენ პატიმრობაში, როდესაც მთელი თავდაცვის სამინისტროს ხელმძღვანელობა მათ თავდებში დაუდგათ. მიმდინარე გამოძიების მიმართ გარკვეული უნდობლობა ჩნდება. თავდაცვის სამინისტრო დღეს არის ყველაზე გამჭვირვალე დაწესებულება. სამინისტროზე ასეთი თავდასხმა სერიოზულ საფრთხეს უქმნის პირველ რიგში ქვეყნის უსაფრთხოებას. არავის მუქარის ჩვენ არ გვეშინია, არც პროკურატურის და არც არავის, ჩვენ ვდგავართ ქვეყანასთან, ხალხთან და ჩვენ ამ ბრძოლას გავაგრძელებთ“, - განაცხადა ზურაბ აბაშიძემ.