საქართველოს პრეზიდენტი გაერთიანებული ერების ორგანიზაციის გენერალურ მდივანს ბან კი მუნს შეხვდა. მხარეებმა სახელმწიფოთა ტერიტორიული მთლიანობისა და საზღვრების ურღვევობის პრინციპებზე ისაუბრეს. შეხვედრაზე პრეზიდენტი მარგველაშვილი რუსეთის მხრიდან ოკუპირებული აფხაზეთისთვის შეთავაზებულ მეკავშირეობის ხელშეკრულებასაც შეეხო.

ოკუპირებულ ტერიტორიებზე შექნილი ვითარების შესახებ იმსჯელეს შეხვედრისას ქვეყნის პრეზიდენტმა და ეუთო-ს გენერალურმა მდივანმა ლამბერტო ზანიერმა.

გიორგი მარგველაშვილმა ყურადღება მავთულხლართების საკითხზე გაამახვილა და აღნიშნა, რომ რუსეთთან პოლიტიკური ურთიერთობის ნორმალიზება არ მოხერხდა და ის კვლავ აგრძელებს საქართველოს ტერიტორიების ოკუპაციას. მოგვიანებით საქართველოს პრეზიდენტს ავსტრიის პრეზიდენტმა უმასპინძლა.