თავდაცვის კომიტეტის თავმჯდომარის, ირაკლი სესიაშვილის განცხადებით პრემიერმინისტრთან უმრავლესობის შეხვედრაზე მთავარი განსახილველი საკითხი თავდაცვის სამინისტროში მიმდინარე მოვლენები იქნება:

„მე მესმის, რომ შექმნილი ვითარება ძალიან რთულია. მოვუწოდებ ჩემს კოლეგებსა და მეგობრებს, ამ ცხელ გულზე ნუ მიიღებენ გადაწყვეტილებას, ისეთს, რომელიც ავნებს კოალიციას, ავნებს ჩვენს ერთობას. ჩვენ ძალიან ბევრი რამე გვაერთიანებს, პირველ რიგში ბრძოლა უკეთესი ქვეყნისთვის და ეს ყველამ ერთად დავამტკიცეთ. რა თქმა უნდა არასასიამოვნოა ჩემთვის, მითუმეტეს ეს არის ჩვენი კომიტეტის საკურატორო სამინისტრო, როდესაც ასეთ ფაქტებს აქვს ადგილი, როდესაც ბრალია წარდგენილი, ამიტომ მაქსიმალური გულისყურით მივადევნებთ თვალყურს მოვლენებს“, - განაცხადა ირაკლი სესიაშვილმა.

საქართველოს პრემიერმინისტრი საპარლამენტო უმრავლესობის წევრებს 18:00 საათზე შეხვდება. შეგახსენებთ, რომ დღეს თავდაცვის სამინისტროს კიდევ 6 თანამშრომელს პროკურატურამ ბრალი წარუდგინა. წარდგენილი ბრალი სამ წლამდე თავისუფლების აღკვეთას ითვალისწინებს.