პრემიერ-მინისტრის და ფრაქცუია „თავისუფალი დემოკრატების“ შეხვედრა ცოტა ხნის წინ დასრულდა. როგორც შეხვედრის დასრულების შემდეგ ვიქტორ დოლიძემ განაცხადა, ირაკლი ღარიბაშვილთან გულწრფელი და ღია საუბარი შედგა.

დოლიძე მიესალმება იმას, რომ კოალიციის ლიდერმა, პრემიერ-მინისტრმა ირაკლი ღარიბაშვილმა ამგვარი შეხვედრის ინიციატივა გამოიჩინა.

„მინდა გითხრათ, რომ ძალიან გულწრფელი და ღია საუბარი შედგა. ყველაფერს რომ თავი დავანებოთ, ჩვენ ძველი თანამებრძოლები გახლავართ. ირაკლი ალასანიამ წერილობითაც წარმოადგინა ახალი არგუმენტები და ის არგუმენტები, რომელიც ჩემი აზრით, ბევრ კითხვას არ ბადებს. ირაკლი ღარიბაშვილი გულდასმით შეისწავლის იმ არგუმენტებს, რაც თავდაცვის მინისტრმა წარმოადგინა“, - განაცხადა დოლიძემ.

ირაკლი ღარიბაშვილთან შეხვედრაზე თავდაცვის მინისტრი ირაკლი ალასანია და სახელმწიფო მინისტრი ევროპულ და ევროატლანტიკურ სტრუქტურებში ალექსი პეტრიაშვილიც იმყოფებოდნენ.