უმცირესობის წევრი გოგა ხაჩიძე „ნიჭიერში“ მონაწილე ამალია ჯიბლაძეს რამდენიმე დღის წინ მომხდარი გაუგებრობის გამო „ფეისბუქით“ მიმართავს.

„ქ-ნო ამალია, სამწუხაროდ პირადად არ გიცნობთ და ამ ფორმით მიწევს მომართვა.

ჩემის აზრით (როგორც ერთი ადამიანის) თქვენ აუცილებლად უნდა გააგრძელოთ პროექტში მონაწილეობა, უფრო დიდი შემართებით და მოტივაციით.

ძალიან ვწუხვარ, რომ ტექნიკურ საკითხზე გამოთქმული განსხვავებული მოსაზრება - არაადეკვატურ გაურკვეველობაში გადაიზარდა.

პირადად მე ყოველთვის გულწრფელად ვგულშემატკივრობდი ნიჭიერებას და ასეც გავაგრძელებ.

წარმატებას გისურვებთ! პატივისცემით...“, - წერს ხაჩიძე.

რამდენიმე დღის წინ მომღერალმა ანრი ჯოხაძემ სოციალურ ქსელში ვიდეო-მიმართვა გაავრცელა და დაწერა, რომ ამალია ჯიბლაძე ფონოგრამით მღეროდა. აღნიშნულთან დაკავშირებით გოგა ხაჩიძემ დაწერა: „ვნახე ეს ვიდეო... ობიექტურობა მოითხოვს აღინიშნოს, რომ სიტუაციას ფონოგრამის სუნი ასდის“. ამ პოსტის გამო „რუსთავი 2“-ის გენერალურმა დირექტორმა ნიკა გვარამიამ გოგა ხაჩიძე პროექტ „ბრავოდან“ მოხსნა.