საქართველოს თავდაცვის უწყებაში მიმდინარე მოვლენებს ექსპერტი გია ხუხაშვილი აფასებს. ,,ნიუპოსტთან" საუბარში ის აცხადებს, რომ ბრალეულობის დამტკიცების შემთხვევაში, ირაკლი ალასანიას გადადგომაზე მითითება აღარ დასჭირდება, რადგან მან მისი უწყების თანამშრომლების უდანაშაულობაზე სრული პასუხისმგებლობა აიღო:

„ნაადრევია წინასწარ რაღაცაზე საუბარი, გასაგებია, რომ არის საკმაოდ რთული ვითარება, ამ ყველაფერში პოლიტიკის ელემენტები შემოვიდა. ვიღაცის პასუხისმგებლობა აუცილებლად დადგება ან ერთი მხრიდან, ან მეორე მხრიდან. თუ პროკურატურამ ვერ მოახრეხა ბრალის დადასტურება, ამ შემთხვევაში ალბათ პროკურატურის პასუხისმგებლობის საკითხი გამოიკვეთება. რაც შეეხება მინისტრის პასუხისმგებლობის საკითხს, უკვე ისეთი ტიპის განცხადებებია გაკეთებული, არც დასჭირდება მითითება. საკუთარ თანამშრომლებზე მთლიანად აიღო პასუხისმგებლობა, პირადად უდგება ამ ადამიანებს გარანტად, მე ვფიქრობ, თუ დამტკიცდა მათი დანაშაული თვითონ მიიღებს გადაწყვეტიელაბს და არც დასჭირდება მითითება.

ალასანიას მიმართ არა მხოლოდ ამერიკა არამედ ყველა დადებითად ვართ განწყობილი. განწყობა ერთია და რეალობა მეორეა. ყველაფერს განსაზღვრავს კანონი და არა ჩვენი განწყობა“, - განაცხადა ხუხაშვილმა ,,ნიუპოსტთან".