მერიის თანამშრომელთა ატესტაციის პირველი ეტაპის შემდეგ გამოცდების ეროვნულ ცენტრში ამ დროისთვის ხუთი საჩივარია შესული. განცხადებების მიღება დღეს სრულდება. უკვე ხვალიდან განხილვები სააპელაციო სასამართლოში დაიწყება. სწორედ ამის შემდეგ დანიშნავს მერია ტესტირების მეორე ეტაპს - გასაუბრებას.

„სულ გამოცხადდა 485 ადამიანი. პირველადი მონაცემებით 195-მა ბარიერი გადალახა. დღეს სრულდება განაცხადების შემოტანა და ამის შემდეგ სააპელაციო პროცედურა დაიწყება. საბოლოო შედეგები სამ დღეში გახდება ცნობილი“, - განაცხადა შეფასებისა და გამოცდების ეროვნული ცენტრის დირექტორის მოადგილემ ივა მინდაძემ.

საერთო მონაცემებით, პირველ ტურში 485-მა თანამშრომელმა მიიღო მონაწილეობა, მათგან მინიმალური ზღვარი 290-მა ვერ გადალახა, რაც მონაწილეთა 60 პროცენტია.