საქართველოს თავდაცვის მინისტრმა, ირაკლი ალასანიამ მთავრობის სხდომის დაწყბამდე ჟურნალისტებისთვის კომენტარი გააკეთა. თავდაცვის უწყების ხელმძღვანელის განმარტებით, იგი სრულებით დარწმუნებულია თავდაცვის სამინისტროს დაკავებული თანამშრომლების უდანაშაულობაში:

„ამ დღეებში მნიშვნელოვანი რაც გავაკეთე, შევხვდი ყველა ჩვენი დაკავებული ოფიცრისა და თანამშრომლების ოჯახებს. ისინი ძალიან მტკიცედ დგანან, ეს ძალიან მნიშვნელოვანია, რომ ოჯახების მხარდაჭერა ჰქონდეთ ჩვენს ბიჭებს. ჩავხედე საქმეს, იმ მასალებს რაც ჩვენ გაგვაჩნდა და რა თქმა უნდა კიდევ ერთხელ, ხაზგასმით მინდა ვთქვა, რომ აბსოლუტურად ბოლომდე ვარ დარწმუნებული ჩვენი ბიჭების უდანაშაულებაში და დიდი იმედი მაქვს, რომ უახლოეს საათებში გადაწყდება საიდუმლოების მოხსნის საკითხი და ეს საქმე ტრანსფარანტულად წარიმართება. რაც შეეხება კითხვის ნიშნებს, ამაზე საუბარი პრემიერმინისტრთან გვქონდა და დღესაც გადავცემ ჩვენს მოსაზრებებს და საქმის მასალებს, სადაც დასტურდება, რომ ეს ადამიანები უდანაშაულოები არიან“, - განაცხადა ალასანიამ.