,,საქართველოს ყოფილი ხელისუფლება წაუგებელ თამაშს თამაშობს“

პოლიტიკა - 15:52, 02 Nov, 2014

3125

რუსეთის მიერ აფხაზეთთან სამხედრო ხელშეკრულების გაფორმება ფართო დისკუსიის საგნად იქცა აფხაზურ საზოგადოებაში. თემას ვრცელი სტატია ეძღვნება აგრეთვე რუსულ მედიაში. ,,ნეზავისიმაია გაზეტას" მიმომხილველი აფხაზთის საკითხის განხილვისას, ყურადღებას ამახვილებს ,,ნაციონალური მოძრაობის" მიერ დაანონსებულ 15 ნოემბრის აქციაზეც, რომელიც რუსეთის მიერ აფხაზეთის ანექსიას უკავშირდება.
,,ექსპერტების შეფასებით ნაციონალური მოძრაობის წევრები წაუგებელ თამაშს თამაშობენ. ენმ დააანონსა 15 ნოემბერს მასშტაბური აქცია, რომელიც მიმართულია აფხაზეთის ანექსიის წინააღმდეგ და ხალხს ქუჩაში გამოსვლისკენ მოუწოდა“, - წერს გამოცემის მიმომხილველი.

მისივე განცხადებით, ხელისუფლების მცდელობა ხელი შეუშალოს ნაციონალებს საერთო-სახალხო მანიფესტაციის მოწყობაში შეიძლება არასწორად იქნას შეფასებული ქართულ საზოგადოებაში. ,,არადა, ხელისუფლებას, რომელიც განსაკუთრებული დინამიურობით არ გამოირჩევა, არ აწყობს დაუთმოს ოპონენტებს ინიციატივა სრულიად საქართველოსათვის მტკივნეულ აფხაზეთის საკითხში, განსაკუთრებით ექს-პრეზიდენტ სააკაშვილის ამასწინანდელი მოწოდების ფონზე“, - წერს ,,ნეზავისიმაია გაზეტას" მიმომხილველი.