უზენაესი სასამართლოს თავმჯდომარე პრემიერმინისტრის შენიშვნას ეხმიანება, რომლის მიხედვით, სასამართლო ხშირ შემთხვევაში, პირის ფარულ სატელეფონო მოსმენასთან დაკავშირებით პროკურატურას უარს ეუბნება.

კონსტანტინე კუბლაშვილის თქმით, სასამართლო ყოველ შემთხვევას ინდივიდუალურად განიხილავს და იმ შემთხვევაში, თუ შუამდგომლობა პირის მოსმენასთან დაკავშირებით დასაბუთებულია, თანხმობას გასცემს.

თუმცა კუბლაშვილის თქმით, ხშირ შემთხვევაში, პროკურატურის პოზიცია მოუმზადებელია. უზენაესი სასამართლოს თავმჯდომარემ განცხადება დღეს პარლამენტში საკონსტიტუციო კომისიის სხდომის დასრულების შემდეგ გააკეთა.