თბილისის მერიის თანამშრომლების 242 აპლიკანტიდან ტესტირების გავლა 84-მა შეძლო. 158-მა კი, მერიის მიერ დადგენილი ზღვარი ვერ გადალახა.

შეფასებისა და გამოცდების ეროვნული ცენტრის ხელმძღვანელის მაია მიმინოშვილის ინფორმაციით პირველი ნაკადის შედეგები დაბალია, თუმცა ბარიერის დაწესება თბილისის მერიის მიერ მოხდა. აპლიკანტები ტესტების სირთულეზე საუბრობენ და აცხადებენ, რომ ტესტების სირთულე მათ მიერ მერიაში დაკავებულ თანამდებობას არ შეესაბამებოდა. ის აპლიკანტები, ვინც დადგენილი ზღვარი გადალახეს, ტესტების სირთულე საშუალო დონით შეაფასეს.

თბილისის მოხელეთა ატესტაციის პირველ ეტაპზე 300 აპლიკანტიდან ტესტირებაში მონაწილეობა 242-მა მიიღო. 37 აპლიკანტი ტესტირებაზე არ გამოცხადდა, ერთმა კი დააგვიანა.

მერიის მოხელეთა ატესტაციის მეორე ეტაპზე აპლიკანტებს გასაუბრება ჩაუტარდებათ. თბილისის მერიის ინფორმაციით, გასაუბრება 7 ნოემბრიდან 14 ნოემბრამდე ეტაპობრივად ჩატარდება.