პარლამენტის თავდაცვის კომიტეტის თავმჯდომარე, ირაკლი სესიაშვილი ირაკლი ალასანიას კომენტარს გამოეხმაურა.

სესიაშვილის განცხადებით თავდაცვის სამინსტროს დაკავებულ თანამშრომლებთან დაკავშირებით, მინისტრმა სწორი პოზიცია გამოავლინა:

„მე მივესალმები ბატონი მინისტრის სწორ პოზიციას, რომ ის არის ძალიან გახსნილი ამ საქმესთან დაკავშირებით, რა თქმა უნდა ეს არის რეზონანსული საკითხი , ეს უკავშირდება ჩვენი ქვეყნის თავდაცვისუნარიანობას და თავდაცვის სამინისტროს პრესტიჟს, ცხადია მისი ღიაობა ფართო საზოგადოებასთან არის ძალიან მნიშვნელოვანი“

აღნიშნულ საქმეზე გრიფის მოხსნასთან დაკავშირებით, ირაკლი სესიაშვილი აცხადებს, რომ გარკვეულ ნაწილზე გრიფის მოხსნის უფლება თავად მინისტრს აქვს:

„ამ შესყიდვასთან დაკავშირებით გრიფი თავად თავდაცვის სამინისტრომ გამოიყენა, მე ცხადია დეტალებს ვერ გეტყვით, მაგრამ არის ნაწილი, რაზეც გრიფის მოხსნა შესაძლებელი ალბათ იქნება, შესაბამისად მინისტრმა თავად უნდა მიიღოს გადაწყვეტილება“- აღნიშნა სესიაშვილმა